Срциња од бисквити и лешници
Состојки
- 250 гр мелени бисквити
- 120 гр мелени лешници
- 100 гр бела чоколада
- 100 гр чоколада за готвење
- 150 гр путер
- 3 лажици шеќер
- 50 мл млеко
- За декорација
- 100 гр чоколада за готвење
- 3 лажици масло
- по потреба ореви лешници, бадеми, шеќерни бисерчина, трошки....
Подготовка
Во сад над пареа ставете ги чоколадите искршени на коцки, путерот, шеќерот и млекото. Оставете ги да се стопат и мешајте да се спои целата смеса.
Садот тргнете го на страна и додајте ги бисквитите и лешниците. Убаво измешајте ја смесата.
Во плех со хартија нанесете ја смесата во квадратна форма дебела околу 1цм и израмнете ја. Ако мислите дека смесата е премногу ретка за формирање на квадратот, пред да го правите оставете ја во фрижидер или во замрзнувач малку да се стегне.
Така оформениот квадрат повторно ставете го во фрижидер малку да се стегне. Со калапче срце вадите колачи. Од остатоците пак направите квадратче и вадите колачи или може да си направите бомбици.
Направените срциња оставете ги убаво да се стегнат и изладат во фрижидер,потоа прелијте ги со чоколадата стопена на пареа.
Одозгора украсете ги по вкус и желба.