Испечати

Еклери - шупливи (без маргарин)

Еклери - шупливи (без маргарин)

Состојки

  • тесто
  • 250мл вода
  • 120мл масло
  • 170гр брашно
  • 5 јајца
  • некое зрно сол
  • крем
  • 750мл млеко
  • 9-10 лажици шеќер
  • 1 ванила
  • 6 лажици густин
  • 4 јајца
  • глазура
  • 100гр чоколадо
  • 2 лажици масло

Подготовка

Рецептот е стар скоро 40 години, вака ги прави мојата мајка, вака ги правам и јас и секогаш имам прекрасни коментари од консументите.

На оган во едно тенџере се ставаат 250 мл вода и 120 мл зејтин само еден клуч да зовријат. Се трга на страна, се додава брашно и убаво се промешува за смесата да се изедначи. Додека е жешко се додаваат 5 јајца едно по едно и убаво се мати со миксер.
Се зема шприц, се полни со смесата и во плех обложен со хартија се редат форми.
Се печат 10 минути на 200 степени, а се допекуваат на 180 степени и вратата од рерната не смее да се отвора.
Фил на оган во тенџере се налеваат 750 мл млеко се додава шеќер, ванила , густин, 4 изматени јајца.Се вари на тивко се додека не се згусни филот. Се остава да се излади и повремено се меша со миксер, да не фати коричка.
Печените еклери се сечат на пола, се полнат со фил и се прелеваат со растопено чоколадо