Полнето ароматично пециво
Состојки
- 600гр. брашно
- 1/2 коцка свеж квасец
- 1/2 филџан (од120мл) масло
- 3 лажици кисела павлака
- 1 лажичка сол
- 1 лажичка шеќер
- околу 250мл. топла вода
- За полнење
- 250гр. рикота(замена урда)
- 1 + 1/2 лажица сецкан магдонос
- 1 помала главица лук
- Други состојки
- по потреба путер
- по потреба сусам, ленено семе
- 1 јајце
Подготовка
Од состојките за тесто замесете средно меко, не лепливо тесто.
Оставете го да стаса.
Полнење
Измешајте ја рикотата со сецканиот магдонос и лукот поминат низ преса за лук.
Посолете по вкус.
Откако тестото ќе стаса, поделете го на 27 топчиња, така што ќе ги групирате на 9 места по 3 топчиња.
Земете едно топче и расукајте го како за кифличка.
По должината нанесете од полнењето, и завиткајте како ролат.
Направете го истото и со други 2 топчиња.
Од трите мини ролатчиња сплетете плетенка, на која потоа ќе и ги споите краевите.
Истата постапка повторете ја и со другите топчиња.
Наредете ги во плех премачкан со масло.
Премачкајте ги со разматено јајце, нанесете парчиња путер и посипете ги со сусам и ленено семе.
Печете на 200 степени, 30 минути(зависно од рерната).