Пикантно лепче
Состојки
- 1 леб багет
- 4 јајца
- 100 гр бело сирење
- 150 гр кашкавал
- 100 гр кулен
- малку сушени домати
- малку магдонос
Подготовка
Откако ја видовме оваа идеја, вакви пикантни лепчиња правиме редовно. Брзо се подготвува, полнењето е по ваша желба, буквално што имате во фрижидер, а задоволството на крајот е огромно. Крцкаво лепче со богатство од вкусови...
Најпрво, на багетот исечете му еден дел од горната страна, да се направи длабнатина.
За полнењето, измешајте ги сите состојки и наполнете ја длабнатината. Одозгора испрскајте го со масло.
Ставете го да се пече во добро загреана рерна, десетина минути, колку да се испече филот. Нека ви е на здравје!