Чупавци
Состојки
- За кекс
- 5 јајца
- 21 лажица шеќер
- 1 ванила
- 2 мали каф. финџалчиња масло
- 2 мали каф. финџалчиња млако млеко
- 21 лажица просеано брашно
- 1 пециво
- *финџалчето е од 75мл.
- За глазура или прелив
- 3 каф. финџали млеко
- 10 лажици шеќер
- 2 лажици какао
- 200гр. чоколадо за готвење
- 125гр. маргарин
- по желба и вкус румче
- *финџалот е од 200мл.
- За валкање
- по потреба-околу 200гр. кокос
Подготовка
Кексот се подготвува стандардно.
Се матат јајцата со шеќерот и ванилата, се додава маслото, млекото и на крај брашното со пецивото.
Се излева во намрсен и побрашнет тркалезен калап со пречник од 34цм., а можи и правоаголен.
Се печи околу 30 мин. на 180 степени во претходно загреана рерна.
Се остава да излади и се сечи на коцки. Моите беа 4,5цм. на 4,5 цм..
Преливот се спрема на тој начин што се вари какаото-се става шеќерот, какаото и млекото и се зоврива. Се додава маргаринот и чоколадото и се меша додека целосно се стопат на намален оган - умерен. Се додава рум.
Се остава малку да здивни-олади и со помош на вилушки се потопуваат коцките.
Потоа се валкаат во кокос.
На здравје!