Сос - додаток за месо и тестенини
Состојки
- 1 главица кромид
- 3 чешниња лук
- 200 гр праз
- 300 гр свежи печурки
- 2 моркови
- 50 гр ореви
- 100 гр кашкавал
- 3 лажици павлака
- 100 мл јогурт
- по потреба маслиново масло
- Зачини
- 1 лажичка сол
- 1 лажичка црвен пипер
- 1 лажичка куркума
- 1/2 лажичка босилек
- 1/2 лажичка оригано
- прстофат мелен бибер
Подготовка
1. Во тава се пржат ситно сецканиот кромид и лук.
2. Откако ќе омекнат се додава сецканиот праз и се пржи кратко.
3. Потоа во тавата се додаваат свежите печурки (исечени на ситни коцки) и ренданите моркови заедно со зачините.
4. Откако печурките ќе омекнат се додаваат павлаката, јогуртот и сецканите ореви. Се меша се заедно додека состојките не се соединат а потоа тавата се трга од оган.
5. На крај се додава ренданиот кашкавал и уште еднаш убаво се промешува додека не се растопи и соедини со сосот.
* Сосот го подготвив како додаток за пилешко месо и се доби една многу убава комбинација на вкусови. Истиот сос може да се комбинира и со други видови месо како и со тестенини.