Баклава со ореви и гриз
Состојки
- 500 гр готови кори
- 200 гр путер
- 100 гр шеќер
- 100 гр гриз
- 300 гр ореви сецкани
- Шербет
- 900 гр шеќер
- 900 гр вода
- 1 сок од лимон
Подготовка
Плехот се премачкува со путер и се става една кора, па малку се попрскува со стопен путер, малку шеќер и малку гриз. Постапката се повторува со секоја наредна кора само на секоја третата кора се ставаат и дел од сецканите оревите. Внимателно да се испланираат состојките за да биде доволно за сите кори . Постапката се повторува се додека не се искористат сите кори и се завршува со кора за да се прекрие баклавата и се премачкува со путер. Се сечи на парчиња и се печи на 180 степени околу 40 минути, се додека не добие убава румена боја, повеќе да суши одколку да печи за коричките да бидат крцкави. Се остава да олади.
Шербет
Водата, шеќерот и лимонот заедно се варат да згуснат. Се остава 10 до 15 минути шербетот малку да олади да не е врел, но да не е ладен. Потоа се потура постепено со лажица најпрво во растојанието каде што е пресечена, а потоа и на парчињата. Најдобро е да одстои еден ден, а потоа да се служи.