Мамини туфахии
Состојки
- 4 јаболка
- За крем
- 500 мл млеко
- 6 лажици шеќер
- 5 лажици густин
- За полнење на јаболката
- 12 лажици мелени ореви
- 1/2 лажичка цимет
- За шербет
- 5 лажици шеќер
- 6 лажици вода
- За шлаг
- 1 кесичка шлаг
- 125 мл ладно млеко
- рендано чоколадо по вкус
Подготовка
Рецептот за овој десерт ми е од мојата мајка. Иако е таа по месените работи, некојпат знае да изненади со некој традиционален рецепт кој го подготвува на свој начин. Таков е и овој, туфахии со крем сервирани во чаша.
Подготовка
Јаболката се лупат, се длабат за да им се извади семката и се прелеваат со вода, па се ставаат на оган. Може и на дното да ставите само вода, ама да ги превртувате повремено, а тие да се варат од пареата што ќе се создава. Се вријат на тивко додека да омекнат.
Се вари шербетот кратко и во него се ставаат оревите и циметот. Со оваа смеса ги полниме јаболката.
За кремот го зовриваме млекото и го ставаме густинот кој со шеќерот сме ги промешале во малку млеко, што сме го одвоиле претходно. Кога ќе згусне го тргаме на страна и го ладиме. Шлагот го подготвуваме по упатството на кесичката.
Редиме во чаша јаболко полнето со фил од ореви, па крем и на крај шлаг во кој сме нарендале малку чоколадо. Декорираме со слатко од смокви.
Уживајте во лесниов десерт!