Руски капи со едно јајце, ореви и чоколадо
Состојки
- Тесто
- 100 гр путер
- 280 гр брашно
- 100 гр стопено чоколадо
- 200 гр шеќер
- 1 јајце
- Фил
- 150 гр мелени ореви
- 100 мл млеко
- 1 ванила
- 125 гр путер
- 3 лажици шеќер
Подготовка
Ова е поинаков рецепт од вообичаениот за руски капи, но кај нас дома е омилен. Кој го сака вкусот на оревот и чоколадото, овој рецепт ќе му биде исто така омилен.
Направете го тестото од потребните состојки, не месете многу, доволно е сето да се соедини. Исучете кора со дебелина од 1/2 цм и вадете форми со ракиена чашка. Наредете ги на плех покриен со хартија и печете ги 10 минути на 150 степени.
За филот, сварете ги оревите со млекото, ванилата и шеќерот и кога ќе се олади, измешајте ги со измиксаниот путер.
Лепете две по две колачиња, на средина со фил, а исто така премачкајте ги и одозгора со фил. Наросете ги со мелени ореви и ставете ги во кутија. Најдобри се ако отстојат два дена.