Испечати

Видео рецепт: Свинско филе на кинески начин

Видео рецепт: Свинско филе на кинески начин

Состојки

  • парче свинско филе
  • За ПРЕЛИВ ќе ви треба:
  • 2 лажици соја сос
  • 2 лажици бело вино
  • 1 лажичка сусамово масло
  • 2 лажички густин
  • Дополнително ќе ви треба:
  • 200 гр. шитаке печурки
  • парче свеж ѓумбир
  • 3 млади кромидчиња
  • 2 чешниња лукче
  • малку зелка
  • зелена пиперка
  • 30 мл. сончогледово или палмино масло
  • 2 лажици соја сос
  • 1 лажица сусамово масло
  • сок од половина лимон
  • по желба чили

Фичо ќе подготви рецепт од северозападна Кина, свинско месо со зеленчук и сос.

Подготовка

Чекор 1: Свинското филе исецкајте го на парчиња. Прелејте го со состојките за преливот и оставете го во ладилник еден час.

Чекор 2: Печурките исецкајте ги, додадете го изренданиот ѓумбир, исецканите млади кромидчиња и лукчето. Тргнете ги на страна да отстојат.

Чекор 3: Исецкајте ја зелката со големина од прилика 1см х 1см. Зелената пиперка исецкајте ја на парчиња со приближна или иста големина. Оставете ги да отстојат со зелката.

Чекор 4: Во Вок тавата ставете го маслото. Пропржете го месото, извадете го и додадете го исецканиот зеленчук. Додадете го соја сосот и сусамовото масло. Кога зеленчукот ќе почне да добива сјај, додадете го месото, сокот од лимон, сол и бибер.

Чекор 5: Сервирајте врз исецкана кинеска зелка!

СОВЕТ: Доколку сакате луто, додадете чили.