Нугат ролат со кикирики
Состојки
- за тесто
- 4 јајца
- 4 лажици шеќер
- 4 лажици брашно
- за фил
- 300 мл млеко
- 1 пакетче пудинг нугат премиум
- 150 гр шеќер во прав
- 125 гр маргарин
- 100 гр печени мелени кикири
- за глазура
- 100 гр чоколадо
- 50 гр маргарин
- 2 лажици шеќер во прав
- 1,5 лажица млеко
Подготовка
Изматете цврст снег од белките. Посебно изматете ги жолчките со шеќерот, па додадете го брашното и на крај, внимателно вмешајте го снегот од белките со шпатула.
Смесата излијте ја во плех обложен со мрсна хартија за печење и печете на 190С, околу 10 минути.
Печената кора одделете ја од хартијата и заролајте ја во влажна пацета.
Сварете го пудингот во млекото и оставете го да излади.
Во меѓувреме изматете го маргаринот со шеќерот во прав , па вмешајте го во оладениот пудинг. Додајте ги кикирите.
Премачкајте ја кората со филот и завиткајте во ролат.
Стопете го маргаринот, па во него додадете го чоколадото искршено на ситни парчиња и мешајте да се растопи. Во меѓувреме додајте го шеќерот и млекото, па кога смесата ќе стани компактна, прелијте го ролатот одозгора со неа. Украсете со кршени и цели солени кикири.
Оставете убаво да се стегни во фрижидер пред служење.