Свинска коленица во доматен сос
Состојки
- 2 свински коленици
- 1 главица кромид
- 1 поголем морков
- 1 стебленце целер
- 5 ливчиња жалфија
- 1 гранче рузмарин
- 4 чешниња лук
- 100-150мл црвено вино
- 1 чаша(од 180мл) доматна салса
- 2-3 црпалки зеленчукова супа
- 2 лажици сенф
- по потреба масло, мешан сув зачин, црн бибер
- За пире
- 500гр. компири
- 1-2 лажици путер
- по потреба топло млеко
- по потреба мешан сув зачин
- малку морско оревче и црн бибер
- Свежа салата по желба
Подготовка
Свинските коленици премачкајте ги со сенф, посипете ги со мешан сув зачин и црн бибер.
Во касерола или лонец ставете масло и додајте ги сецканиот кромид, морков, целер, ливчињата жалфија, гранчето рузмарин и сецканото лукче.
Пропржете додека малку подомекне зеленчукот, па додајте ги колениците.
Пржете ги по малку од сите страни.
Откако ќе се запржат додајте го виното и оставете да врие додека целосно испари.
Потоа додајте ја доматната салса и 1 црпалка зеленчукова супа.
Покријте ја касеролата со капак и оставете да се готви на тивок оган околу 2 часа, со повремено вртење на колениците.
Ако има потреба во текот на готвењето додајте уште од супата.
Пире
Излупените компири ставете ги да се варат.
Потоа испасирајте ги, додајте го путерот и топлото млеко и убаво измешајте.
Зачинете со мешан сув зачин, морско оревче и црн бибер.
Зготвените коленици сервирајте ги топли, полеани со сосот, пире и свежа салата по желба.
На здравје!