Печени кременадли со чаден колбас
Состојки
- 1.5 кг свински кременадли
- 1 главица зелка
- 2 страка праз
- 3 главици кромид
- 1 домат
- 1 подебел чаден колбас ( 200г )
- 2 гранчиња сува мајчина душичка
- 1 главица лук
- 50 г путер
- по потреба масло
- по вкус сол и црн мелен пипер
Подготовка
1. Во средината на кременадлите со нож правиме засеци и ги ставаме исечените парчиња од колбасот, потоа ги посолуваме и ги наросуваме со црн пипер од двете страни.
2. Кременадлите ги ставаме во тава попрскана со масло и преливаме со 500 мл врела вода и ги печеме 40 минути на 180 степени.
3. Ситно сецкаме 1.5 главица кромид и ја пржиме заедно со путерот. Зелката ја сецкаме на кришки и ја додаваме кон кромидот. Посолуваме, ги додаваме мајчината душичка и малку врела вода . Тавата покриваме со капак и динстаме 20-30 минути.
4. Преостанатиот кромид, празот, доматот и лукот ги сецкаме. Ја вадиме тавата од рерната и го додаваме исецканиот зеленчук и пак враќаме во рерната и печеме уште 40 минути.
5. На чинија за сервирање ја ставаме динстаната зелка со кромид , а врз неа го нанесуваме зеленчукот од тавата и кременадлите.
Во текот на печење подобро месото да се полева со сосот, така ќе биде покревко и повкусно.
При печењето парчињата од колбасот може да се покријат со фолија за да не се изгорат.