Сукана пица со рукола
Состојки
- 600 гр бело брашно
- 300 мл млака вода
- 5 лажици масло
- 1 мало лаж. сол
- 1 мало лаж. шеќер
- 300-400 мл доматно пире или кечап
- 200 гр кашкавал млечен
- 100 гр рукола
- 200 гр шунка
- 1 паковка сув квасец
- 4лажици сусам
- 2 лажици оригано
- 100 гр црни маслинки
- 250 гр свежи шампињони
- Прелив
- 3 јајца
- 300 мл кисело млеко
- 100 гр растопен путер за попрскување.
Подготовка
Брашното го сееме и додаваме сув квасец и млака вода.
Посолуваме и додаваме шеќер, па месиме тесто.
Го делиме на 5 еднакви топчиња.
Покриваме со најлонска кеса и оставаме само 10 минути.
Шампињонитње исчистени, ги сецкаме и пржиме на малку масло.
Кога се пржени ги зачинуваме и тргаме на страна.
Сукаме една кора од едното топќе и ја редиме диекно суканата пица во тавата. Врз кората се попрскува растопениот путер, па доматното пире и се останато што го наведов горе.
Се додаваат и пржените печурки.
Се сука и другото топче и постапката трае се до последната кора.
И последната кора се филува,па се сече на парчиња, онолку колку што сакате да бидат големи.Се разматува киселото млеко со јајцата, и се полева врз цела тава. Се става веднаш во загреана рерна и се пече.
Нема точно време кое би пишала за колку да е готово.
Се познава печено тестенце.Кога ќе си порумени,кога ќе си фати убава кора, вадете од рерната и покријте со чиста крпа.
Расечете по деловите и служете.
На здравје
Забелешка
Ова количина на брашно што ја наведов во состојките е доволна само за во тестото. За попрскување на корите додека се сукаат се додава отприлика спрема тестото. Како и да е имајте уште 200 гр брашно плус за посипот.