Празничен ручек со мисиркино месо
Состојки
- 1.2 кг чаден батак од мисирка
- 5-6 чешниња лук
- 3 гранчиња свеж рузмарин
- 50 гр путер
- 1 лажица сенф
- 1 лажица мед
- Додаток компири
- 1 кг компири
- 1 лажичка сол
- 2 гранчиња рузмарин
- 1 лажичка црвен пипер
- по потреба маслиново масло
- Додаток карфиол
- 1 цвет карфиол
- по желба сол
- по желба мелен црн бибер
- Додаток моркови
- 500 гр моркови
- 1 главица кромид
- 100 гр печеница
- 150 мл бело вино
- 1 гранче рузмарин
- прстофат сол
- по желба свеж магдонос
- по потреба маслиново масло
Подготовка
1. Батакот од мисирка се засекува и се ставаат путер, рузмарин и парчиња лук. Сенфот и медот се мешаат и со нив се премачкува батакот.
2. Се става во тава обложена со хартија за печење и премачкана со маслиново масло и се пече 30-тина минути на 200 степени. (Батакот е чаден и не треба долго да се пече).
3. Карфиолот се сече на поголеми парчиња, се зачинува и се пржи кратко од двете страни во тава со маслиново масло.
4. Компирите се лупат и се сечат на тенки парчиња. Тавата се обложува со хартија за печење, се премачкува со маслиново масло и во неа се редат компирите. Се зачинуваат и се ставаат да се печат. Колку долго ќе се печат зависи од вас и од тоа колку крцкави сакате да бидат.
5. Во тава со маслиново масло се пропржува 1 главица кромид. Се додаваат морковите, магдонос, рузмарин, сол, печеница исечена на ситни коцки и 150 мл бело вино. Откако виното ќе испари се тргаат од оган и се готови за сервирање.