Свински ребра и пржен пашканат
Состојки
- 1 кг свински ребра
- 6-7 чешниња лук
- 150 мл бело вино
- 350 мл телешки бујон
- 1 пашканат
- Маринада
- 2 лажици маслиново масло
- 1 лажица соја сос
- 1 лажица оцет балсамико
- 1 лажица сенф
- 1 лажица мед
- 1 лажичка лут буковец
- 1 лажичка оригано
- 1 лажичка лук во прав
- 1 лажичка морска сол
- 3 гранчиња свеж рузмарин
- 50 гр рендан ѓумбир
Подготовка
1. Сите состојки потребни за маринадата се мешаат и со нив се премачкуваат свинските ребра.
2. Во поголема тава (во која подоцна ќе се печат ребрата) се става маслиново масло, 6-7 чешниња лук и парчиња свеж ѓумбир и се пропржуваат за да пуштат вкусови.
3. Во истата тава се ставаат ребрата и се пропржуваат кратко од сите страни, а потоа во тавата се додаваат 150 мл бело вино и 350 мл телешки бујон.
4. Ребрата се печат 1 час на температура од 220-240 степени. За време на печењето се превртуваат од двете страни за да добијат подеднакво убава боја.
* Овој пат помфритот го заменив со пашканат којшто одлично се вклопи со свинските ребра.
Пашканатот се сече на тенки парчиња, се зачинува по желба и се пржи во претходно загреано масло.