Испечати

Каталонски сусос

Каталонски сусос

Состојки

  • За тестото
  • 250 гр остро брашно
  • 10 гр сув квасец
  • 50 гр шеќер
  • 25гр путер
  • 1 кесичка ванилин шеќер
  • 1 јајце
  • 90 мл млако млеко
  • Состојки за филот
  • 750 мл млеко
  • 50 гр гриз
  • 1 кесичка ванилин шеќер
  • 180 гр шеќер
  • 2 јајца

Подготовка

Овие вкусни и полнети кифлички многу потсетуваат на полнети крофни. Многу се меки, воздушести и кремасти и едноставно се топат во уста.

Најпрво во еден сад се ставаат сите состојки освен млакото млеко кое се додава постепено и замесуваме глатко тесто. Го оставаме 30-тина минути да стаса.

Го подговтуваме филот-во тенџере на оган ставаме 500 мл млеко со шеќерот и ванилиниот шеќер да зоврие. Во друг сад на страна ги мешаме преостанатите 250 мл млеко со гризот и јајцата и ги додаваме во зовриеното млеко. Вариме додека кремот не згусне, потоа го тргаме на страна и го оставаме да излади и го полниме во готварски шприц или кеса.

Тестото се размесува и рассукува на набрашнета маса и потоа од него се сечат триаголници кои се полнат со фил и замотуваат во форма на кифлички. Се оставаат на хартија за печење за да не ни залепат додека да стасаат на топло уште 30-тина минути.

Потоа се пржат во поголема количина на масло и се ставаат на хартија додека да изладат. Оладени се наросуваат со шеќер во прав и цимет.

На здравје