Видео рецепт: Торта за своја душа
Состојки
- За ДВЕТЕ ТЕСТА ќе ви треба:
- 6 белки
- 6 лажици шеќер
- 3 лажици брашно
- 6 лажици мелен лешник
- За СВЕТЛИОТ ФИЛ ќе ви треба:
- 6 жолчки
- 4 лажици шеќер
- 100 гр. путер
- 100 мл. млеко
- 2 лажици шеќер
- 200 гр. мелен орев
- За ТЕМНИОТ ФИЛ ќе ви треба:
- 150 гр. црно чоколадо
- 100 гр. лешници
- 300 мл. слатка павлака
Фичо, заедно со неговата гостинка Катерина, готвач член на нашата веб-страница, ќе подготват еден од нејзините најпопуларни рецепти, Торта за своја душа.
Подготовка
Чекор 1: Во сад ставете 3 белки, 3 лажици шеќер, 1,5 лажица брашно и 3 лажици мелени лешници и изматете ги додека не добиете густа смеса. Тоа е првото тесто.
На ист начин се прави уште 1 тесто.
Печете ги во округлата тава на 170 степени, 10 минути.
Чекор 2: За филот изматете 6 жолчки со 4 лажици шеќер над пареа до згуснување.
Оставете да се олади. Изматете во еден сад 100 грама путер и додадете го во жолчките.
Во друг сад изматете ја слатката павлака.
Во сад за сос ставете млеко и шеќер да провријат 5 минути, потоа додадете ги оревите.
Кога ќе се излади додадете го на претходната смеса.
Убаво соединете ги сите состојки и добиениот фил поделете го на половина.
Во едниот дел ставете го растопеното чоколадо и крупно сецкани лешници, во другиот не додавајте ништо.
Чекор 3: Филувајте кора, жолт фил, црн фил, слатка павлака,кора, жолт фил, црн фил...
Цела торта декорирајте ја со остатокот од слатката павлака.
Пред сервирање оставете ја во фрижидер 3-4 часа.
Чекор 4: Сервирајте!
СОВЕТ: Подготовката на филовите ќе ви биде појасна ако го погледнете видеото.