Баклава со ореви и портокал (посно)
Состојки
- 500 гр. кори за баклава
- Фил
- 100 гр. посно чоколадо
- 250 гр. ореви
- 125 гр. презла
- 100 гр. бисквити посни
- 2 големи лажици шеќер
- 1/3 мала лажица цимет
- 1 портокал
- 1 филџан масло
- Шербет
- 700 гр. шеќер
- 700 мл. вода
- 2 ванилин шеќер
- Малку цимет
- Дополнително
- 125 гр. маргарин
- 125 мл. масло
- по 1 лажица масло на секоја кора
Подготовка
Чоколадото се ренда и му се додаваат мелените ореви, презлата, мелените бисквити, шеќерот, циметот и кората од портокал, сето се промешува заедно и се додава 1 филџан зовриено масло и убаво се промешува.
Се зема една кора и се става на влажна крпа, се премачкува со една лажица вода и една лажица масло. Се посипува со една рака од филот и се витка на игла за плетење. Малку се насобира и се става во плех, постапката се повторува со сите кори. Подготвената баклава се сечи на парчиња и се прелива со смеса од растопени 125 гр маргарин и 125 мл масло (смесата да биде врела). Се печи на 200 степени до добивање на златна боја.
Шербет
Во касерола се става шеќерот, водата, ванилата и циметот и се вари 10 минути од кога ќе започне да врие. На целосно изладената баклава се додава топлиот шербет.