Коленица печена во земјена тава (мераклиски ручек)
Состојки
- 1 поголема свинска коленица( или2 помали за 2 особи)
- 1 страк сецкан праз
- 2 моркови
- 1 корен пашканат
- листови од целер
- 3-4 лажици апетитка( 2 домати и 1 везена пиперка)
- 1 лажица масло
- 1 лажица свинска маст
- 50мл црвено вино
- 300мл течност, ( вода, бујон)
- 2 парчиња пушена сланина
- 2 компири
- зачин, црн бибер, ловоров лист, црвен пипер
Подготовка
Преубав неделен ручек.
Подготовката оди вака.
Прво свинската коленица се става во тенџере со ладна вода да одстои околу еден час.
Таа вода се исфрла.
Е сега може коленицата да се извалка во брашно и да се запржи од сите страни.
Или може да се стави во тенџере на оган, да се додадат сол, ловоров лист, бибер и да се вари еден час.
Јас го избрав вториот начин.
Сега во земјеното тавче се ставаат маста и маслото да се загреат.
Се додава ситно сецканиот праз да се запржи.
Му се додаваат морковите, пашканатот, ливчињата целер.
Нека пржи уште 1-2 минути.
Јас овде додадов 4 лажици од лутата апетитка ( по рецепт на Теофанија).
Но може да се додаде 2 домати црвени и 1 лута везена пиперка.
Се додаава црвен пипер, ловоров лист, зачин, бибер.
Се лупат 2 компири и тие се додаваат во тавата.
Сега се налива црвеното вино и околу 300 мл од процедената течност каде што се вареше коленицата.
Се става и коленицата и двете парчиња димена сланина,
Вака спремно оди во релна загреана на 150 степени и нека крчка на тивко од 2-3 часа.
Едноставно заборавете го ручекот.
До колку имате и шпорет на дрва тоа би било одлично.
На тивко нека крчка се додека месото не се распадне и зеленчукот да се свари.
Уште треба топло лепче и чаша црвено убаво вино.