Карфиол-морков супа (посно)
Состојки
- 3 главици кромид
- 7-8 моркови
- 300 гр карфиол
- 1/4 од главица целер
- листови целер
- 3-4 лукчиња
- 1/4 од китка магдонос
- Зачини
- 1 лажица куркума
- 1 лажица мешан сув зачин или по вкус
- 1 лажичка бибер или по вкус
Подготовка
За оваа посна бистра супа подготовката оди вака:
Сите состојки се ставаат во сечко и се сечкаат на ситно. Се ставаат во експрес лонец, па се налева вода околу 3 литри. Се вари десет минути, па на крајот откако ќе се сварат состојките се става големо количество на сечкан магдонос, куркума, мешан сув зачин и бибер по вкус.
Забелешка
Од карфиолот одвоив дел и само како цветчиња ги напуштав во супата, не ги сечкав.
Задолжително ставете куркума и дава прекрасна боја, мирис и вкус на супата.
Од супава може да имате за два дена, само ставете ја во фрижидер.
Можете да ставите и неколку капки маслиново масло на крајот од варењето.