Урма торта
Состојки
- За пандишпан
- 12 белки
- прстофат сол
- 24 лажици шеќер
- 2 лажици алкохолен оцет
- 6 лажици брашно
- 6 лажици презла
- 1/2 пециво
- 250гр. ситно сецкани оревчиња
- 250гр. ситно сецкани урми
- За фил
- 400мл. млеко
- 12 лажици шеќер
- 12 жолчки
- 1 пудинг (ванила или чоколадо)
- 2 лажици нишесте
- 200гр. црно чоколадо за готвење
- 250гр. маргарин или путер
- 1 ќесичка шлаг крем од ванила
- 125 мл. ладно млеко
- * По желба, по вкус кората можи да се попрска со околу 150мл. млеко во кое се додава ванила или арома на лешник (млекото се зоврива и се остава да олади-да биде млако).
Подготовка
Вкусен десерт...
Белките со прстофатот сол започнуваме да ги матиме. Кога ќе добиеме густа пена, го додаваме шеќерот, постепено на неколку пати. Кога ќе добиеме цврст шам и шеќерот веќе се стопил, го додаваме оцетот. Матиме уште малку. Потоа ја намалуваме брзината на миксерот и го додаваме просеаното брашно помешано со презлата, пецивото и ситно сецканите урми, па потоа оревчињата. Уште еднаш нежно промешуваме и излеваме во плех намрсен со маргарин. Печеме 20 мин. на 200 степени во претходно загреана рерна.
Ја вадиме кората од плехот и ја оставаме да излади. Ја сечеме на три ленти и ако сакаме ја попрскуваме кората со млакото млеко. Јас ја попрскав.
Филот се подготвува исто на стандарден начин.
Жолчките се матат со шеќерот додека го зголемат волуменот неколку пати. Се додава пудингот, нишестето и малку млеко за се убаво да се размати, добие хомогена и течна смеса. Остатокот од млекото од тие 400мл. се става на оган да зоврие. Штом зоврие, се намалува огнот на умерен оган, се излева смесата со жолчките, мешајќи постојано. Вариме до потребната густина. Тргаме од оган, го додаваме чоколадото и мешаме додека се стопи. Можи еднаш и миксерот да му го пуштиме на кремот поубаво се да се поврзе. Оставаме да се лади кремот, со повремени мешања или пак покриваме со најлонска фолија дирекно над кремот, за да не ни фати коричка.
Маргаринот или путерот, кој претходно ни стоел на собна температура, го матиме пенасто додека убаво побели.
Го соединуваме пудингот со маргаринот, миксајќи, додека добиеме еднолична смеса.
***Важен, битен момент за филот да ни биде успешен е температурата на кремот-пудингот и изматениот маргарин се исти или приближно исти. Тоа значи пудингот да не биде целосно ладен, затоа секогаш велам млак и маргаринот да не биде од фрижидер, туку да биде одстоен на собна температура.
Трите ленти ги премачкуваме со филот.
Целосно тортата ја премачкуваме со изматената шлаг крема со 125мл. ладно млеко.
На здравје! :)))