Пилешка каша
Состојки
- 2-4 батак со карабатак
- 3-4 лукчиња
- 2 главици кромид
- 5-6 моркови
- 2-3 компири
- 1-2 лажици брашно
- 1 лажица мешан сув зачин
- 1 лажица рамна мелен црвен пипер
- 1/2 лажичка мелен бибер
- магдонос, сол, буковец и други зачини по вкус по вкус
Подготовка
Подготовка
1. Најпрво ги вариме батаците, јас во експрес лонец, најбрзо ми е. Го двоиме месото од коските и кожата и го цепкаме на ситни парченца.
2. Компирите ги лупиме и ги сечкаме на ситни коцки. Кромидот и морковот ги сечкаме во сечко. Ги ставаме на масло да се пропржат, при крајот на пржењето го додаваме брашното и црвениот пипер.
3. Кратко се запржува сето ова заедно, па се налева вода и ги ставаме и компирите. Кога ќе се сварат компирите, при крајот на варењето го ставаме месото и зачините.
4. Вриеме на тивко додека да се соединат сите состојки.
Забелешка
Ако сакате да ви е погуста кашата или пак сте ставиле повеќе вода, ставете и 2-3 лажици ориз да се сварат и така е вкусна.
Пријатен апетит!