Испечати

Пекарски кифлички

Пекарски кифлички

Состојки

  • 2 мали лажички шеќер
  • 2 мали лажички сол
  • 150 мл зејтин
  • 2 јајца
  • 40 гр квасец (една коцка)
  • 300 мл вода
  • 100 мл млеко
  • Брашно по потреба (околу 800 гр)

Подготовка

Оваа рецепта ми е од едно флаерче кое идеше заедно со кесичка брашно и е од пред повеќе од 15 години оттогаш не сме ја смениле за ниедна друга. Влезени се во листата на најомилени во нашата кујна.
Најпрво ги загревам водата и млекото и им додавам две лажици брашно шеќерот и квасецот.
Откако ќе стаса малку се замесува тестото со сите состојки и се остава повторно да стаса околку половина час.
Потоа се дели на осум дела и од секој дел се расукува кора.
Се расекува кората на осум дела и се мотат кифличките. Може да се полнат со фил по желба. Јас им ставам фил од сирење и јајце.
Се редат на подмачкан плех и се премачкуваат со жолчка од јајце.