Испечати

Гулаш со зелка и њоки

Гулаш со зелка и њоки

Состојки

  • Гулаш
  • 3 главици ситно исецкан кромид
  • 3 ситно исецкани моркови
  • 1/2 ситно исецкана зелка
  • 700 мл млака вода
  • 1 ќесичка ФАНТ за гулаш и паприкаш
  • Њоки
  • 250 гр варени компири
  • 100 гр брашно
  • 1 јајце
  • 25 гр пармезан (било какво сирење или кашкавал)
  • 1/2 мала лажичка сол
  • по желба мускатно оревче и/или други зачини

Подготовка

Зелката ја обожавам приготвена на секаков начин, па решив и да ја ФАНТ-ирам. Резултат - превкусен, едноставен за припрема гулаш кој би одговарал со секаков вид месо или риба. Јас го искомбинирав и со њоки, испадна супер, но може и без нив.

Се пропржува на врел зејтин најпрво кромидот, после неколку минути се додава и морковот, па на крај зелката. Откако добро ќе омекнат, се додава 700мл млака вода и 1 ќесичка ФАНТ за гулаш и паприкаш. Се остава да крчка 15 - 20 минути.

Вуала, гулашот е готов.

Се спремаат њоките по ОВОЈ рецепт (само половина доза)

Откако ќе излезат на површината на водата, се додаваат во гулашот и се остава да проврие со нив уште 5 минути на тивко.

Јас овој пат го искомбинирав гулашчето со рибичка ослич, која одмрзната, исчистена и малку посолена од претходниот ден, мрцната во смеса од брашно и ФАНТ за гулаш и паприкаш (сооднос брашно 3 лажици - фант 1 лажица) ја испржив на врело масло. Фантот и дава преубав шмек на рибата.

На кој му се бендиса овој лесен, едноставен и превкусен брзински ручек, нека си ги приготви и нека ужива во вкусовите.
Припремата со ФАНТ ја одбрав и ја препорачувам, бидејќи добиваш феноменален вкус, без да се мислиш колку и какви зачини да ставиш.
На здравје !