Деликатна пита со спанаќ
Состојки
- 800 гр брашно
- 300 мл млака вода
- 600 гр исчистен спанаќ
- 350 гр сирење
- 120 гр путер
- 1 јајце
- 1 коцка квасец
- 1/2 лажица шеќер
- по потреба масло
- по потреба сол и црн пипер
Подготовка
1. Квасецот го рониме и го додаваме во садот со посоленото брашно. Ги додаваме шеќерот и 100 мл масло. Ја додаваме водата и замесуваме тесто и оставаме на топло да го стасува.
2. Во зовриена вода го обаруваме спанаќот и го цедиме во цедалка. Ситно го сецкаме и го ставаме во длабок сад и го додаваме сирењето и го гмечиме со алатка за пире. Посолуваме и наросуваме пипер и убаво го промешуваме.
3. На набрашнета маса го размесуваме стасаното тесто и со сукалка развлекуваме кора. Со чаша вадиме кругови и на секој круг нанесуваме фил. Соединуваме по два краја на филуваните кругови и формираме чамчиња. Во круг ги редиме чамчињата во тркалезна тава обложена со хартија намрсена со 40 г путер.
4. Жолчката од јајцето ја матиме со вилушка, додаваме 2 лажици масло и промешуваме и ја премачкуваме питата. Преостанатиот путер го сецкаме на парчиња и го нанесуваме на питата.
5. Деликатната пита ја печеме во загреана рерна на 180 степени околу 40 минути.