Принцес крофни
Состојки
- за тесто(филџанот е од 115мл)
- 4 филџани вода
- 1 и пол филџан масло
- 3 филџани брашно
- 1 пециво
- 5 јајца
- за фил
- 500мл млеко
- 2 пудинзи од ванила
- 200гр шекер
- 200гр путер или маргарин
- плус
- 200гр чоколадо
- 5 лажици масло
Подготовка
Рецептот за овие принцес крофни ми е од мајка ми. Секогаш успева, крофните се меки, воздушести и вкусни.
Се ставаат на оган водата, маслото и солта да зовријат. Откако ќе зовријат се тргаат на страна и се додава брашното. Се меша убаво додека не почне смесата да се одделува од ѕидовите од садот. Се остава да се излади малку и се додаваат јајцата едно по едно и пецивото матејки со маталките за тесто со миксерот да се добие убава смеса. Од смесата се става во шприц и на плех обложен со мрсна хартија се прават принцес крофните. Се ставаат во загреана рерна на 190степени околу 20-25мин, но не да се отвара рерната дури се печат.
Филот
Двата пудинзи се мешаат со 100мл млеко и 2 лажици шеќер, а настрана на оган се става преостанатото млеко да зовире и останатиот шеќер. Откако ќе зоврие млекото, се додаваат пудинзите и се вари густ пудинг. Откако ќе се излади се додава 200гр предходно изматен маргарин. Испечените принцес крофни со помош на шприц или се засекуваат на средина и се полнат од филот. Одозгора се украсуваат со стопено чоколадо со масло.
Од оваа смеса излегуваат околу 80 мини принцес крофни.