Лаврак на жар
Состојки
- 3 големи парчиња лаврак( по 500гр)
- 1 лажица морска сол
- 2 лимони
- 100мл маслиново масло
- лук, магдонос по вкус
Подготовка
Ова е денешниот ручек.
Преубав пресен лаврак на жар.
Прво рибата се чисти од нечистотиите, се мие убаво и се соли со морска сол.
Се попрскува и со маслиново масло.
Се остава така да одстои околу 7-8 часа.
Се пали скара на жар и на решетка за риба се редат рибите и се печат.
Во текот на печењето со лажица се прелеваат со смеса направена од лимонов сок, маслиново масло, лук.
Се превртуваат убаво да заруменат, односно убаво да се испечат како би се делело месото од коските. Им треба околу 25-30 минути, рибата треба да остане сочна.
Сервирајте со компир салата, марула, чаша бело винио и уживајте во овој преубав ручек.