Пудинг од стар леб
Состојки
- 8 парчиња леб за тост на 2-3 дена
- 50 гр. путер
- 40-50 гр. суво грозје
- 3-4 големи лажици џем од кајсии или праски
- 3 јајца
- 100 гр. шеќер
- 2 ванили
- 600-650 мл. млеко
Подготовка
Еден прекрасен начин како да се искористи стариот леб.
Парчињата леб се мачкаат со путерот и џемот се сечи на четвртини или на помали парченца, во еден сад се ставаат јајцата, шеќерот, ванилата и се разматува за малку, потоа се додава малку затопленото млеко. Откако ќе се заврши со подготовката, се намачкува тавичката со путер, се става лебот, се додава сувото грозје и се прелива со смесата од млеко и јајца. Така подготвен пудингот се става да се печи во рерна на 180 степени за 20-25 минути.