Испечати

Чоколадна торта со ореви

Чоколадна торта со ореви

Состојки

  • Пандиспања
  • 9 јајца
  • 9 лажици шеќер
  • 6 лажици брашно
  • 9 лажици мелени ореви
  • 1 пециво
  • 2 лажици просеано какао
  • Фил
  • 500мл. млеко
  • 200гр. мелени бисквити
  • 200гр. мелени ореви
  • 200гр. црно чоколадо за готвење
  • 4 жолчки
  • 125гр. шеќер во прав
  • 250гр. путер или маргарин
  • За одозгора
  • 125мл. ладно млеко
  • 1 ќесичка шлаг крем со вкус на чоколадо

Подготовка

Многу вкусна торта, старата верзија на чоколадната торта.
Топло ви ја препорачувам!

Јајцата се матат со шеќерот, се додава претходно се заедно помешано-брашното, оревите, какаото, пецивото. Се излева во намрсен и побрашнет плех со димензии 32 на 39цм. 
Се пече во претходно загреана рерна (5 мин. на 200) околу 20-25мин. на 180степени.
Се остава да се излади, па се сечи на 3 ленти.

За филот го зовриваме млекото, па го додаваме чоколадото и мешаме додека се стопи.
Ги додаваме оревите и бисквитите и се убаво мешаме, додека се изедначи.
Оставаме да се излади.
Жолчките ги матиме со дел од шеќерот - 4 лажици и ги вариме над пареа. Кога ќе ја добијат потребната густина, ги оставаме да изладат.
Маргаринот и остатокот од шеќерот пенасто ги матиме.
На крај ги додаваме жолчките во маргаринот и се убаво миксираме за да се соедини убаво.Оваа смеса ја додаваме во млаката смеса од млекото со другите додатоци и се убаво миксираме, соединуваме.
Филот е готов.
Шлаг кремот го матиме со млекото.

Финална постапка
Филот го делиме на два дела, од двата дела оставаме по малку за премачкување на третата лента и од надвор цела.
Значи лента-фил, лента-фил, лента-малку фил и странично по малку фил.
Целиот шлаг крем се нанесува на третата лента и странично целосно се премачкува тортата.
Се остава убаво да излади, па сечете ја и сладете се!

*Вкусот можи да го збогатите и со рендана кора од портокал во пандиспањата, а сок од портокал во филот.
*Исто можи и пандиспањата да ја попрскате со чоколадно млеко за да биде уште посочна.