Испечати

Орасници

Орасници

Состојки

  • За орасници
  • 3 белки
  • 300 гр шеќер
  • За сируп
  • 100 гр шеќер
  • 50мл вода
  • Дополнително
  • 200гр мелени ореви за во белките
  • 300гр сецкани ореви за во белките
  • 250гр сецкани ореви за валкање

Подготовка

Кога бев мала ги НИШТЕВ, ама буквално ги ништев. Не беше тоа јадење, беше јадење додека има =))

Лесен рецепт, брз рецепт, солидна доза, дури ни јас не се осмелив да направам дупла. Вагата ми глуми мртва веќе неколку месеци. Јасно ми стана дека морам да одморам од ништење храна =))

Белките изматете ги со шеќерто во густа пена која нема да падне од садот.
Шеќерот и водата ставете ги да се варат и нека провријат неколку минути.
Топлиот сируп во тенок млаз се додава на изматените белки и се мати постојано додека се додава.

Во смесата додадете ги мелените и сецкани ореви и измешајте убаво со шпатула, да се распоредат рамномерно.

Ќе добиете малку леплива смеса. За да формирате потковици или фроми по ваша желба навлажнете ги дланките и формирајте ги орасниците. Правете ги сите парчиња еднакви, за поубаво да се испечат.
Секоја орасница пред да ја ставите во тавата за печење извалкајте ја во сецканите ореви.

Печете во загреана рерна на 150 степени, 25 мин.

Доколку користите тавче од рерна, постелете го со хартија за печење. Доколку го користите Делимано ростерот не го премачкувајте и не постелувајте хартија, нема да залепи. Проверено :)

Можат да стојат долго време, суви се и нема да се расипат. Чувајте ги на суво место за да не впијат влага. Нормално дека е поубаво да се крцкави :)

Пријатно јадење :)