Еуро крем мафини со полнење од гриз
Состојки
- гриз смеса
- 200мл млеко
- 3,5лажици гриз
- 2 лажици бел еуро крем
- смеса за мафини
- 2 јајца
- 150мл млеко
- 80мл масло
- 230гр брашно
- 50гр квалитетно какао
- 1 лажиче пециво
- 1/4 лажиче сода бикарбона
- 80гр шеќер
- 2 лажици кафен еуро крем
Подготовка
Вкусни, декоративни мафини.
Прво во мала касерола се ставаат млекото и гризот.
Се става на тивко да се вари и постојано се промешува. Нека се згусни.
Се трга од оган и се додава белиот еуро крем. Нека се излади.
Смесата е одлична дури може и со влажни раце да направите 12 бомбици.
Калап за мафини се обложува со 12 хартиени корпи.
Во вангличка се матат јајцата со шеќерот да станат пенасти, па постепено се додаваат млекото, маслото, какаото, брашно, пециво, сода, еуро кремот.
Сега секоја хартиена корпа се полни до половина со смесата во средината се става по една бомбица од гриз или може со помош на лажиче и се дополнува хартиената корпа со смесата.
Се печат 20 минути на 180 степени.
На здравје