Фањци (Фурки)
Состојки
- 2 јајца
- 1 лажиче пециво
- 100гр растопен путер или маргарин
- 1 ванила
- 1 кора од лимон
- 80гр шеќер
- 450гр брашно
- млеко по потреба
- шеќер во прав
Подготовка
Едноставен, брз појадок.
Посипани со шеќер во прав и топол чај-уживанција
Сите состојки се ставаат во вангличка, убаво се промешуваат и се додава млеко по потреба колку да се замеси убаво тесто, кое не лепи на раката.
Се остава 5 минути да одмори, а потоа се сучи кора.
Со помош на алатка се сечат правоаголници и во средината им се прави по еден рез.
Дел од тестото, едната страна се протнува низ засекот.
Се редат на послужавник и се пржат на загреано масло од двете страни.
Се редат на хартиени салфети, и се сервираат посипани со шеќер во прав.