Афион штрудлички
Состојки
- За тесто
- 500 гр брашно
- 125 гр маргарин
- прстофат сол
- 20 гр свеж квасец + 50 мл топла вода и 1 лажиче шеќер
- 200 мл топло млеко
- Фил
- 250 гр афион
- 4 пак. ванилин шеќер
- 120 гр маргарин
- околу 8 лажици мармалад
- 1 жолчка за премачкување
Подготовка
Ставете да се активира квасецот со водата, шеќерот и прстофат брашно.
Брашното и маргаринот убаво протриете ги низ прсти. Додадете го потоа активираниот квасец, солта и млекото и измесете глатко тесто кое нема да се лепи на раце.
Оставете го на топло 20на минути.
Поделете го тестото на пола и од секоја половина развлечете правоаголна кора со ширина малку повеќе од педа.
Премачкајте најпрво со стопен маргарин, па потоа со мармалад, врз кој убаво и рамномерно ќе наросите од афионот. На крај посипете одозгора со ванилиниот шеќер.
Од тесната страна сечете лентички со ширина од околу 10на см и секоја заролајте ја.
Наредете ги врз пек хартија или намастен плех и оставете ги уште 15на минути на топло да одстојат.
Потоа премачкајте ги со разматена жолчка и печете ги во загреана рерна на 180 С околу 35 минути.