Рибник
Состојки
- 2 поголеми риби ослич (може и друга риба)
- по вкус сол,мешан сув зачин
- Тесто-
- 500 г брашно
- 1/2 коцка свеж квасец
- 1 лажичка сол
- 1 лажичка шеќер
- 50 мл масло
- по потреба млака вода
- Црн пипер во зрно - за украс.
Подготовка
1. Во малку млака вода се раствараат квасецот, солта и шеќерот . И се става во топло место на 10 минути.
2. Во голем сад се замесува брашното со масло, стасаниот квасец и вода. Тестото треба да стаса во топло место.
3. Рибата се чисти и убаво се зачинува со вегета и со сол.
4. Стасаното тесто се дели на 2 дела. Од едниот дел се расукува овална кора и засекува од двете страни ребрасто. Во средина на кората се става рибата и одозгора се формира главата , па лентите се виткаат долж рибата и на крај се формира опашот и се декорира со мала вилушка. Со зрнца од црн пипер се прават очите на рибата.
5. Истата постапка се повторува и со вториот дел од тестото.
6. Формираните риби се ставаат во плех обложен со мрсна хартија и обилно се премачкуваат со масло. Рибниките се печат во загреана рерна на 200 степени 30 минути.