Испечати

Печени пиперки во кисело млеко/павлака

Печени пиперки во кисело млеко/павлака

Состојки

  • 400 гр кисело млеко или кисела павлака
  • 1 рамно лажиче винска киселина
  • 1 лажиче зелено песто на Џејми Оливер
  • 1/2 лажиче мешавина италијански зачини
  • 1 чајно лажиче сенф во прав
  • 1/2 лажиче сол
  • прстофат шеќер
  • 3-4 лажици маслиново масло
  • 2-3 чешниња лук
  • малку магдонос за декорација
  • 10на пиперки

Подготовка

Пиперките испечете и излупете ги. Потоа искинете ги на поситни парчиња. 2-3 оставете цели за декорација. Додадете ја во нив киселината, 1-2 лажици масло, пресованиот лук, посолете и убаво измешајте. Посебно измешајте го киселото млеко со пестото и останатите состојки, па на крај се заедно со пиперките. Одозгора благо размешајте уште една лажица маслиново масло, вметнете ги целите пиперки со се рачки и декорирајте уште со ситни сечкан лук на ливчиња и сечкан магдонос.

Количината на пиперки можи да варира од наведената бројка во зависност од големината и сортата. Можат да се користат било каква сорта на пиперки, а оној кој сака луто да си направи со лути. Всушност, можи да си додадете по желба сечкани пиперки и сами да си одредите колкав сооднос би сакале спрема сосот да доминираат (потечно или погусто). Исто така мала разлика има и густината доколку се користи кисела павлака наместо кисело млеко, што секако зависи од вкусот и желбата на конзументите.