Слатко лепче со боровинки
Состојки
- Тесто
- 7 г. сув квасец
- 375 мл. млеко
- 1 м.л. кардамон
- 2 јајца
- 1 прстофат сол
- 200 г. шеќер
- 50 г. путер
- 750-800 г. брашно
- Фил
- 350-400 г. диви боровинки
- 75 г. шеќер
- 1 портокал
Подготовка
Квасецот се става во затоплено млеко и се остатва настрана.
Во еден сад се ставаат јајцата и шеќерот и солта и се матат со вилушка потоа се додава стопениот путер, млекото со квасецот и кардамонот, потоа постепено се додава брашното.
Тестото се остава на топло за 1 час.
Боровинките се ставаат во еден сад им се додава кората од еден портокал, сокот од половина портокал и шеќерот, боровинките се пасираат со вилушка, при што да останат и цели боровинки.
Готовото тесто се става на набрашнета површина и се растегнува со прсти (малку поголемо од лист А4).
Потоа филот се става одозгора и се распоредува по целата површина на тестото. Тестото се завиткува под формата на плик, потоа се притиска со прсти.
Тестото се дели на 10-12 дела кои што еден по еден се растегнуваат на околу 20 цм. и се завиткуваат во полжавчиња, се редат во тава за печење и одозгора се поросуваат со шеќер.
Се оставаат уште половина час на топло и се печат на 180-200 степени за 30 минути.