Лисната погача со ќофтиња

Подготовка

Ова беше навистина вкусна погача, а сувиот спанаќ мислам дека дополнително ја освежи и и даде посебна арома и сласт.

Најпрво ги подготвуваме ќофтињата.
1. Во меленото месо ја ставаме растворената смета од фант и фино промешуваме, да се соединат состојките. Правиме мали топчиња и ги пржиме во загреано масло. Ги оставаме да се ладат.
2. Разматете го квасецот со шеќерот, лажица брашно и шоља топло млеко и оставете го да се активира.
3. Сите состојки за тесто ги замесуваме до меко тесто па го оставаме да стаса, да се дуплира.
4. Го размесуваме тестото, па го расукуваме во правоаголна форма и врз него рендаме од ладниот путер. Го распоредуваме путерот со размачкување, посипуваме од спанаќот и го виткаме тестото во ролат. Сечеме парчиња на кои во средината им ставаме по едно ќофте, фино ги затвораме и ги редиме во подмачкано со масло тавче бр.26, со затворената страна надолу.
5. Ја премачкуваме со разматена жолчка со млеко и додека да се загрее рената на 200 степени, ја стасуваме погачата.

Забелешка
Во смесата за ќофтиња можете да си ставите доколку сакате и свеж рендан кромид или по желба зачини. Мене ми се вкусни вака само со фант, па затоа ништо дополнително не ставам.
Ќофтиња треба да направите околу 20 на број, а исто толку треба и парчиња од ролатот од тестото да пресечете за да го наполните убаво тавчето.
Сушен спанаќ првпат сретнувам и многу се израдував кога го најдов. Аромата што и ја даде на погачава беше посебна.

Погачата се изеде за миг, ете толку беше вкусна. Дури и на најголемиот „пребирач“ во семејтвото ептен му се допадна. Среќа што се уште додека беше жешка ја фотографирав, инаку ќе требаше да ја правам повторно за да ве запознаам со овој мој нов рецепт за погачи.