Обоен фаџ со суво овошје
Состојки
- 1 конзерва (395мл) засладено кондензирано млеко
- 100 гр путер или маргарин
- 200 гр шеќер
- 200 гр бело чоколадо
- 50 гр ситно сецкани бадеми
- 90 гр суво овошје (мешавина брусница, урми и смокви)
- малку црвена боја за колачи (овде инстант прашок за чај од калинки)
Подготовка
Кондензираното млеко, шеќерот и путерот се топат на тивок оган. Откако ќе се растопат на средна температура со константно мешање се готви уште 15на минути се додека не се подзгусти и се добие карамел боја.
Се трга од оган и се додава искршено чоколадото, па убаво се промешува да се растопи. Се додава и малку црвена боја (по желба е и не мора). Јас наместо црвена боја додадов обоен со црвена боја инстант прашок за чај од калинка, па малку повеќе го обогати и така убавиот вкус.
На крај се додаваат бадемите (секако дека и орев или лешник во замена можи), брусницата и исецкани урми и смоквите.
Смесата се распоредува во калап 20х20, предходно обложена (кој сака) со пек-хартија. Се остава да се стегни и се сечи на мали коцкички.
Овој рецепт си носи ризик за добитната комбинација. Можно е доколку ви е посилна ринглата и варите малку подолго да добиете поронлива структура, како што е случајот кај мене, а со помалку чување на оган пак да добиете помазни или порастегливи коцки. Праксата ќе си го направи своето, но како и да испадни на прво- во секој случај е неверојатно вкусно.
Совет-прво направете си го за своја душа, а потоа за гости.