Канапеи со смокви
Состојки
- 8 смокви
- 4 парчиња сланина
- 150 гр. плаво сирење
- околу 1 рака ореви
- 2 лажици мед
- според ваша оцена тостиран леб
Подготовка
Малку чудни, но вкусни.
- Смоквите исечете ги хоризонтално на половина. Наредете ги во тавка постелена со хартија за печење.
- Сланината поситно исецкајте и пропржете.
- Сирењето исто така изронете или исецкајте
- Во средината на секоја исечена смоква ставете сланина, сирење, врз неа мала јатка орев, полијте ги со малку мед. Ставете во рерна загреана на 180 степена и нека се печат околу 10-15 мин. Потребно е сирењето да се стопи.
Додека се печат тостирајте парчиња леб.
- Извадете ги. Додека се топли пренесете на лебот, полијте ги со уште малку мед.
Уживајте во нив притоа дополнувајки го вкусот и со некоја голтка вино.
Напомена
Едната половина од смоквите не може да стои право, затоа потсечете ја.
Наместо плаво сирење слободно ставете козјо.
Можете и врз медот да поросите мелен мешан бибер.