Ќофтиња со компир и сос од домати
Состојки
- Потребно за ќофтињата
- 500 гр мелено месо
- 1 средна главица кромид
- 2 парчиња постар леб
- по вкус магданос, сол и бибер
- потребно за сосот
- 1 лажица путер
- 1 лажица масло
- 1 лажица доматно пире
- 2 домати
- 2 чешчиња лук
- 2 чаши вода
- по пореба сол
- 4 поголеми компири
Подготовка
Подготовка
Кромидот изрендајте и додадете го во меленото месо. Лебот натопете го во вода или млеко да се натопи потоа убаво исцедете го и додадете во месото.
Потоа додадете магдонос сол и бибер и убаво измесете, а потоа со влажна рака обликувајте ќофтиња.
Компирот исецкајте на кругови. Ако е многу голем преполовете го.
Редете во подмачкано тавче компир па ќофте така наизменично.
Потоа ставете ја тавата во рерна на 200 степени до светла кафена боја.
Растопете го путерот со маслото, додадете го доматното пире, ренданиот домат и нека зоврие. Додадете исецкан лук и 2 чаши вода посолете и оставете повторно да зоврие.
Додадете во тавата со компир и оставете во рерна уште околу 15 минути .