Шери мафини со сланина
Состојки
- 1 чаша=180 мл
- 2 јајца
- 1/2 чаша масло
- 1 чаша јогурт
- 2 чаши пченично брашно
- 1 чаша пченкарно брашно
- 1/2 мала лажичка сол
- 1 пакетче (12 гр) пециво
- 100 гр чадена сланина
- 100 гр шери домати
- 3 лажици рендан пармезам
Подготовка
Убави и декоративни мафини. Подготовката е следна
1. Вклучете ја рерната на 180 степени да се загрева додека го подготвувате тестото.
2. Во подлабок сад со жица за матење разматете ги јајцата со половина лажичка сол. Додајте го маслото и јогуртот и повторно промешајте. Во течноста постепено додавајте ги белото и пченкарното брашно и пециво. Изедначете ја смесата и во садот додајте ја сланината исечена на помали коцки и чери доматчињата пресечени на половина. Во садот додадете и 2 големи лажици пармезан.
3. Тавата за мафини обложете ја со хартиени корпи и полнете ги мафините. Од горната страна наросете ги повторно со рендан пармезан и печете ги околу 25 минути, односно додека не заруменат. Од оваа доза излегуваат 12 мафини.
На здравје