Грав во доматен сос
Состојки
- 1 конзерва грав (околу 450 гр)
- 500 гр домати
- 1 мала главица кромид
- 2-3 чешниња лук
- 5 лажици маслиново масло
- 1 поголема пиперка
- 1 морковче
- 1 лажиче шеќер
- сол, бибер, мешан сув зачин, оригано, рузмарин и мајоран
- 1/2 киска магдонос
Подготовка
Ставете го маслото во огноотпорен сад и додадете ги ситно сецкани кромидот и лукот. Додадете ја и пиперката, ситно исецкана на коцкички и изренданиот морков. Пржете ги 2-3 минути, па додадете ги доматите, ситно сецкани и излупени. Додадете го магдоносот, шеќерот и посолете. Мешајте и пржете ги така околу 10 минути. Конзервата грав исцедете ја убаво и додадете ја во доматите. Зачинете и пржете уште 2-3 минути на исклучена рингла, колку се убаво да се спои.
Послужете во длабоки чинии. Одозгора наросете мелен пармезан.