Мусака со тиквички (посно)
Состојки
- 1 поголема тиквичка (или 2 мали)
- 3-4 главици кромид
- 5-6 чешниња лук
- 4 моркови
- 2 домати
- 1 пиперка
- 1 компир
- 250 мл сок од домати
Подготовка
Кромидот, лукот, морковите и пиперката ситно исечкајте ги и ставете ги во тава да се пржат. Откако ќе омекнат, ставете ги и исечканите домати, па компирот кој сте го исечкале на ситни коцки и магдоносот. Зачинете.
Во тава наредете еден ред од тиквичките (исечени на кругови), ставете го филот и одзгора уште еден ред.
Залијте со сокот од домати, турете вода да ги прекрие, покријте ја тавата со алуминска фолија и ставете ја во загреана рерна да се пече. На крајот извадете ја фолијата да добие боја и коричка.
Ова јадење кај нас дома го јадиме засебно, ама вие можете да го користите и како прилог со печено мевце. На здравје!