Компир манџа со ќофте
Состојки
- 500 гр компири
- 1 морков
- 1 кромид
- 1 лажица мешан сув зачин
- 1 лажица мелен црвен пипер
- свеж магдонос по вкус
- За ќофте
- 500 гр мелено месо
- 1 лажица мешан сув зачин
- 1-2 лажици лебни трошки
- 1 мало кромитче
- бибер, сол, буковец по вкус
- За запршка
- 2-3 лажици брашно
- неколку лажици масло
Подготовка
Еве еден поинаков начин на подготовка на компир манџа од оној редовниот.
Подготовка
1. Сите состојки за ќофте заедно со ренданото кромидче ги мешаме и од месото правиме ќофтенца или топчиња кои ќе ги пржиме во масло. Ги оставаме на страна.
2. Компирите ги лупиме и ги сечкаме на коцки.
3. Морковот и кромидот ги сечкаме на ситни парченца и ги запржуваме на масло, на тивок оган. Ги ставаме компирите, црвениот пипер и налеваме вода за да се сварат.
4. Некаде на половина варење ги ставаме ќофтенцата.
Кога ни се сварил компирот ја подготвуваме запршката.
5. На тава ставаме 2-3 лажици брашно на тивок оган и ги запржуваме додека да пушти мирис и да му излезе влагата на брашното. Потоа ова брашно го мешаме со ладна вода, да нема грутчиња и го ставаме во манџата што врие. Додека кратко врие ставаме зачини и сечканиот магдонос на крај.