Рамстек од рерна
Состојки
- 1 кг телешки кременадли
- 3-4 главици кромид
- 2 пиперки (или суви 5-6)
- 2 моркови
- грст магдонос
- по желба печурки
- сол, мешан сув зачин, црн бибер, гарам масала, оригано, малку црвен пипер ако сакате
- масло и вода (околу прст и пол во тавата)
Подготовка
Измијте го месото и наредете го во огноотпорна тава за печење. Од сите страни зачинете го. Додадете вода, скоро колку да го покрие и одозгора попрскајте го со масло.
Кромидот исецкајте го на средни парчиња. Исецкајте го и магдоносот и печурките доколку се покрупни, а морковите изрендајте ги. Се измешано и посолено ставете врз месото.
Печете на 250С и кога кромидот ќе подомекни, отворете ја рерната и со дрвена лажица распоредете го убаво насекаде во тавата. Оставете да се допечи додека месото не добие убава темна боја.