Плескавици од тиквички со сирење и магдонос
Состојки
- 2 средни тиквички
- 100 гр рендано сирење
- 1 лажичка куркума
- 1/2 китка свеж магдонос
- 1/2 лажичка бибер
- 1 лажичка лук во гранули
- 1/2 лажичка мешан сув зачин
- 2 јајца
- 1 лажица рендан пармезан
- 5-6 полни лажици брашно
- 1 лажица интегрално брашно
- масло по потреба за пржење
Подготовка
Вака подготвените тиквички одлично се комбинираат со кисела павлака и домат или пак шопска салата. Вистински летен ручек!
Подготовка
Тиквичките ги лупиме и рендаме на крупната страна од рендето. Ги посолуваме со прстофат сол и ги оставаме да пуштат вода. Ги процедуваме и ги мешаме со сечканиот магдонос како и со останатите состојки. Ги пржиме на загреано масло, од двете страни.
Забелешка
Смесата треба да ни биде густа за да може да се става со лажичка ама и кога ќе се пржи да може да се превртуваат плескавичките. Затоа, додадете брашно ако сметате дека треба , сепак тоа зависи од влажноста на тиквичките.
Може да ставите и ½ лажичка пециво или сода бикарбона. Јас овој пат ги исклучив од употреба, па и не се почувствува некоја разлика, ама можете да ставите сепак.
Ставив и пармезан, ама и не мора. Исто така јас многу го сакам интегралното брашно, затоа што ми дава посебен шмек на јадењата и пецивата, може и него да не го ставате, доколку ви е желба.
Кога ќе ги извадиме од маслото ги ставаме на кујнска хартија или салфетка за да се исцеди вишокот масло.