Лиснати кифли полжавчиња
Состојки
- За тесто
- 800 гр брашно
- 1 јајце
- 1/2 сув квасец
- 2 лажички шеќер
- 2 лажички сол
- 100 мл масло
- 400 мл млеко
- 50-100 гр путер за премачкување
- За фил
- 100 гр урда
- 50 гр мортадела
- 50 гр чајна
- 50 гр кашкавал
- За премачкување
- 1 јајце
- сусам и ким по желба и вкус
Подготовка
Се замесува тесто од зададените состојки, се расукува поголема кора и се премачкува со путер. Кората се засекува од страните и секое засечено парче се преклопува едно врз друго. Создадената топка од тесто ја оставаме околу 1/2 час во фрижидер.
Потоа ја расукуваме кората да ни биде некаде со дебелина од 5 мм. Кората ја премачкуваме со стопен путер, па со тенок слој урда. Рендаме намирници по желба, кај мене имав нарендано мортадела, чајна и кашкавал.
Сечеме ленти со ширина од околу 3-4 см и ги виткаме како полжавчиња. Ги премачкуваме со разматено јајце и ги наросуваме со сусам и ким. Добро е да се остават да стасаат околу 20-30 минути, па да се печат. Ги печеме во загреана рерна на 220 степени.
Забелешка
Имав различни големини на ова пециво бидејќи ми требаше и како коктел пециво, ама и за појадок, а вие правете ги по ваша желба. Времето на стасување зависи од собната температура.