Пудинг колач со дупчиња
Состојки
- За кора
- 6 јајца
- 6 лажици шеќер
- 6 лажици брашно
- 150 мл масло
- 150 мл млеко
- 1 пак. ванилин шеќер
- 1 пак. прашок за пециво
- 4 лажици какао
- 4 лажици инатант чоколаден пијалок
- 1 бел фил
- 2 пак. прашок за пудинг од ванила
- 850 мл млеко
- 6 лажици шеќер
- 150 гр путер
- 2 црн фил
- 2 пак. прашок за пудинг од чоколадо
- 800 мл млеко
- 6 лажици шеќер
- 2 ребра чоколадо
- 100 гр путер
Подготовка
Кремасто и убаво изматете ги јајцата со шеќерот. Со најмала брзина на миксерот додадете ги течните, па сувите состојки.
Смесата истурете ја во намрсена и набрашнета тава 25х35 и печете на 180С околу 25 мин. Проверете со методот чепкалка.
Во меѓувреме спремете го првиот фил. Сварете пудинг од наведените состојки и додека е се уште топол додадете го путерот исечкан на помали парчиња. Матете го со миксер додека смесата се спои и не стане мазна и кремаста.
Печената кора, додека е топла издупчете ја со рачката од дрвена лажица и врз неа прелијте го веднаш белиот крем.
Додека тој се зацврстува, спремете го црниот на истиот начин како белиот, со тоа што чоколадото ќе го додадете заедно со путерот во жешкиот сварен пудинг и секако, убаво ќе го изматите на крај до мазна структура. Така спремен премачкајте го врз белиот фил.
Одозгора веднаш ставете чоколадни плочки или трошки. Тие ќе се вклопат како убава кора откако филот ќе се здрви.
Забелешка
Не користете помала големина на тава од предложената. Колачот ќе ви дојди премногу висок и дупките потешко ќе се исполнат. Јас би препорачала во големиот Ростер, а не како овде во малиот.