Мешан зеленчук во тава
Состојки
- пола кило жолта боранија
- 1 тиквичка
- 1 морков
- 1 патлиџан
- 1 китка брокула
- 1 китка магдонос
- 1 кромид
- маслиново масло
- сол, бибер, вегета
Подготовка
1. Боранијата се обарува.
2. Морковот, кромидот и тиквичката се сечкаат на ленти. Патлиџанот се сечка на коцкички. Брокулата се ситни.
3. Во тава се става исцедената боранија и се меша со сите останати состојки. Се зачинува и се попрскува со маслиново масло.
4. Се става две кутлачи вода од каде што се варела боранијата. Се става магдонос. Промешуваме.
5. Се пече на 200 степени околу 30 минути, зависи колку сакате да ја потпечете.
Јас ја сервирав со похован пилешки стек и салата.
На здравје.